TIRANË (AA) – Gjatë një operacioni forcat e policisë në Shqipëri kanë sekuestruar 2 ton e 53 kilogramë lëndë narkotike e pa përpunuar, ndërsa është arrestuar në flagrancë poseduesi i lëndës narkotike, transmeton Anadolu Agency.
Në një njoftim zyrtar të publikuar sot nga Drejtoria e Përgjithshme e Policisë së Shqipërisë thuhet se nga kontrolli i ushtruar në Mat, në një tunel u gjetën dhe u sekuestruan 73 thasë, ndërsa në një kontejner u gjetën 139 thasë të mbushur me lëndë narkotike.
Policia në njoftim nuk ka specifikuar llojin e lëndës narkotike, por dyshohet për kanabis sativa.
