“Me keqardhje të thellë pranuam lajmin për sulmin terrorist dhe viktimat që pësuan në sulmet në Bruksel. Sulmi ndaj qytetarëve të pafajshëm dhe përdorimi i dhunës nga kushdo qoftë dhe për çfarëdo motive qofshin janë të papranueshme dhe të dënueshme”, thuhet në letrën e ngushëllimit të kryetarit të PDSH-së, Menduh Thaçi, drejtuar ambasadorit të Bashkimit Evropian, Aivo Orav, njofton Portalb.
“Në emër të Partisë Demokratike Shqiptare dhe në emrin tim personal, më lejoni të ju shpreh ngushëllime të sinqerta dhe të solidarizohemi me dhimbjen e Juaj, familjarëve të viktimave dhe të plagosurve të tjerë”, shkruhet në letrën e ngushëllimit. /Portalb
