Një video e publikuar nga Aleppo Medial Center, që raportohet të jetë xhiruar të shtunën e shkuar tregon pamje të rënda të pacientëve të vrarë dhe plagosur, brenda një spitali, si pasojë e sulmeve ajrore.
Të gjitha spitalet në Aleppo janë jashtë shërbimit pas disa ditë sulmesh të pandërprera ajrore, njofton Organizatat Botërorer e Shëndetësisë.
Por nga Observatori Sirian për të Drejtat e Njeriut raportohet se disa spitale janë ende në funksion, por qytetarët janë të frikësuar që të marrin trajtim në to, pasi janë caqe të mundshme të sulmeve ajrore, transmeton Klan Kosova.
Sulmet e njëpasnjëshme ajrore kanë dërrmuar zonën e Aleppo që nga e marta, kur ushtria siriane dhe aleatët rinisën operacionet luftarake pas një pauze disa javëshe.
