21.7 C
Pristina
Friday, July 1, 2022

Senati i SHBA-së miratoi një ligj për kontrollin e posedimit të armëve

Më të lexuarat

Një paketë dypartiake masash sigurie për armë u miratua mbrëmë në Senatin e SHBA-së, megjithëse Gjykata e Lartë zgjeroi gjerësisht të drejtat e armëve duke vendosur se amerikanët kanë të drejtë kushtetuese që të mbajnë armë për vetëmbrojtje në publik.

Një vendim i rëndësishëm i gjykatës dhe një vendim i Senatit për armë ilustrojnë ndarjen e thellë mbi zotërimin e armëve në Shtetet e Bashkuara, vetëm disa javë pasi më shumë se 30 njerëz, përfshirë 19 fëmijë, u vranë në të shtënat në Uvalde, Teksas dhe Buffalo, New York.

Projektligji i Senatit, i miratuar me 65 vota kundër, është ligji i parë domethënës për kontrollin e armëve që është miratuar në tre dekada, në një vend që është i pari në botë për sa i përket posedimit të armëve, por edhe numri më i lartë i të shtënave në vit mes të kombeve të pasura.

“Ky legjislacion do të ndihmojë në mbrojtjen e amerikanëve. Fëmijët në shkolla dhe komunitete do të jenë më të sigurt për shkak të tij”, tha presidenti Joe Biden.

Ai tha se Dhoma e Përfaqësuesve duhet të votojë menjëherë këtë projekt-ligj dypartiak dhe ta dërgojë në zyrën presidenciale, raporton cnn.

Projektligji, për të cilin mbështetësit thonë se do të shpëtojë shumë jetë, është modest. Kufizimi më i rëndësishëm për zotërimin e armëve do të shtrëngonte kontrollet e historikut të blerësve të mundshëm të armëve të dënuar për dhunë në familje ose krime të rëndësishme të kryera si të mitur.

Republikanët kanë refuzuar një kompromis për masat më të ashpra të kontrollit të armëve të paraqitura nga demokratët, përfshirë Biden, të tilla si ndalimi i pushkëve të sulmit ose armëve me kapacitet të lartë.

Një vendim i Gjykatës së Lartë më herët të enjten, i shtyrë nga një shumicë konservatore, hoqi kufizimet e shtetit të New Yorkut për mbajtjen e një arme të fshehur jashtë shtëpisë.

Republikanët në Dhomën e Përfaqësuesve kanë urdhëruar anëtarët e tyre të votojnë kundër ligjit dhe meqenëse Dhoma e Kongresit kontrollohet nga demokratët, mbështetja e tyre nuk është e nevojshme për miratimin e ligjit.

Pas miratimit të Dhomës së Përfaqësuesve, Presidenti Biden do të nënshkruajë ligjin.

Sondazhet tregojnë se shumica e amerikanëve mbështesin një sërë kufizimesh të reja për zotërimin e armëve, veçanërisht pas të shtënave me një numër të madh të të vdekurve. /Telegrafi/

- Advertisement -spot_img

Më tepër

Të fundit