Rusia ka kundërshtuar projektrezolutën e Këshillit të Sigurimit të OKV-së, që dënon sulmin e dyshuar kimik në provincën Idlib të Sirisë, ku u vranë të paktën 100 persona dhe u plagosën 400 të tjerë.
Zëdhënësja e ministrisë, Maria Zakharova deklaroi se rezoluta, e cila është hartuar nga Shtetet e Bashkuara, Britania dhe Franca është “kategorikisht e papranueshme” dhe se pa dyshim është hartuar me nxitim.
Këshilli i Sigurimit ka përcaktuar mbajtjen e një mbledhjeje urgjente, për të diskutuar sulmin e dyshuar kimik.
“Draft-rezoluta e Këshillit të Sigurimit të OKB-së është anti-siriane dhe mund të çojë në përshkallëzim të situatës në Siri dhe në rajon”, tha Zakharova.
