Ambasada e Izraelit në Madrid ka akuzuar kryeministrin spanjoll Pedro Sanchez për “demonizim” të Izraelit dhe ka deklaruar se Spanja po qëndron “në anën e gabuar të historisë”.
Reagimi i ambasadës, i publikuar edhe në rrjetin X, erdhi pasi Sanchez, gjatë një takimi të BE-së, e cilësoi luftën e Izraelit në Gaza si “gjenocid” dhe kërkoi pezullimin e bashkëpunimit me Izraelin.
“Kjo nuk është vetëm për të ardhur keq — është moralisht e pambrojtshme,” thuhej në deklaratën e ambasadës izraelite.
“Le të jemi të qartë: Izraeli, një vend demokratik që përballet me kërcënime ekzistenciale nga shumë fronte, ka të drejtë — dhe detyrë — të mbrojë qytetarët e tij,” vijon reagimi.
Në kundërpërgjigje, qeveria spanjolle e quajti deklaratën e ambasadës “të papranueshme” dhe thirri për sqarime të ngarkuarin me punë të saj. /mesazhi
