12.5 C
Pristina
Thursday, February 29, 2024

OBSH: Vazhdojnë negociatat për evakuimin e foshnjave nga spitali Al-Shifa

Më të lexuarat

“Shumica e ambulancave të Gjysmëhënës së Kuqe Palestineze aktualisht nuk funksionojnë. Për këtë arsye mendojmë të marrin ambulanca nga Egjipti dhe t‘i dërgojmë në spitalin Al-Shifa”, tha Brennan

Organizata Botërore e Shëndetësisë (OBSH) njoftoi se po bashkëpunojnë me zyrtarët egjiptianë për të lehtësuar evakuimin e foshnjave që kanë mbetur në spitalin Al-Shifa të rrethuar nga Izraeli dhe se vazhdojnë negociatat me Forcat e Mbrojtjes së Izraelit, transmeton Anadolu.

Sipas lajmit të ABC News, dr. Richard Brennan nga OBSH-ja ka vënë theksin mbi mungesën e karburantit dhe se situata e sigurisë vështirëson evakuimin. Ai tha se OBSH-ja prej ditësh nuk ka mundur të krijojë komunikim me spitalet në veri të Gazës. “Kjo është një situatë krejtësisht e pashpresë”, tha Brennan.

Ai theksoi se organizata së bashku me zyrtarët egjiptianë, ka negociuar me Forcat e Mbrojtjes izraelite përmes OKB-së për ofrimin e “kalimit të sigurt dhe garantimin e sigurisë” për evakuimet dhe se mungesa e karburantit përbën problem për evakuimet.

Duke vënë theksin se po përpiqen të krijojnë një kolonë që do të lëvizë në spitalin Al-Shifa për evakuimin e të porsalindurve, foshnjave prematurë (të lindur para kohe) dhe pacientëve të kujdesit intensiv, Brennan tha se për këtë nevojitet më shumë planifikim.

“Shumica e ambulancave të Gjysmëhënës së Kuqe Palestineze aktualisht nuk funksionojnë. Për këtë arsye mendojmë të marrin ambulanca nga Egjipti dhe t‘i dërgojmë në spitalin Al-Shifa”, shtoi Brennan.

Ai bëri të ditur se brenda 24 orëve shpreson të ketë më shumë detaje lidhur me situatën në fjalë.

Sipas të dhënave të siguruara nga OBSH-ja, në spitalin Al-Shifa ndodhen rreth 600 pacientë, përfshirë 36 foshnje të porsalindur dhe 27 pacientë në kujdesin intensiv, një personel punonjësish prej 280 personash dhe 2.500 të zhvendosur.

- Advertisement -spot_img

Më tepër

Të fundit