Policia e Moskës është duke hetuar një vrasje që ka shokuar Rusinë, pasi nxënësi i një shkolle profesionale ka vrarë profesorin gjatë pauzës, dhe më pas i kishte postuar në rrjetet sociale fotografitë dhe kishte në fund kishte mbytur edhe veten.
Andrey Emelyannikov 18-vjeç dhe profesori i tij Sergei Danilov 44-vjeç kishin pasur mosmarrëveshje, ka bërë të ditur një burim brenda policisë, transmeton Telegrafi.
Por, ajo çfarë mbetet e paqartë nëse fyti i tij ishte prerë në afekt apo thjesht ishte diçka e planifikuar më parë. Sipas të njëjtave burime, Emelyannikov nuk po ndiqte mësimet për më shumë se dy javë, veprim ky që kishte nervozuar tej mase profesorin.
Emelyannikov kishte publikuar fotografitë në profilin e tij në rrjetin social rus V Kontakt, e cila prej atij momenti është bllokuar. Në njërin imazh shihet thika e mbuluar në gjak, të cilën e mbanë në dorë nxënësi para trupit të masakruar të profesorit.
Sipas medieve ruse, trupin e pajetë të profesorit e kishte gjetur një profesor tjetër, ku afër kufomës ishin thika dhe sharra elektrike që janë përdorur për ta masakruar.
Danilov ishte i martuar dhe kishte tre fëmijë, ndërsa nxënësit dhe kolegët e profesorit kanë treguar se çfarë persona në të vërtetë ishin vrasësi dhe viktima.
Për Danilovin kanë thënë se ishte i sjellshëm dhe i afërt, por njëherit kërkonte disiplinë pasi ishte edhe ushtarak. Kur dikush i bënte probleme gjatë ligjëratave, nxënësit i detyronte të bënin pompa, dhe rrallë herë ngrinte tonin apo e ofendonte dikë. Ka qenë i respektuar në mesin e kolegëve.
Ndërkaq, sa i përket Emelyannikovit, ai është rritur me nënën dhe sipas fjalëve të saj, kohën e lirë e kalonte duke luajtur video-lojëra, duke dëgjuar muzikë të zhanrit “heavy metal” dhe përkthente revistat e huaja në gjuhën ruse.
