-3.1 C
Pristina
Tuesday, February 7, 2023

Modeli i ri i dronit turk ‘AKINCI B‘ kryen me sukses fluturimin e parë

Më të lexuarat

Njoftohet se ka kryer me sukses fluturimin e parë modeli i ri i dronit Bayraktar AKINCI B (TİHA – Mjet ajror sulmues pa pilot) i cili zhvillohet nga kompania Baykar me mjete vendase dhe kombëtare në kuadrin e projektit AKINCI nën udhëheqjen e Kryesisë së Industrisë së Mbrojtjes së Turqisë, transmeton Anadolu Agency (AA).

Sipas një njoftimit nga Baykar thuhet se droni Bayraktar AKINCI B ka një fuqi gjithsej 1500 HP përfshirë motorët 2 X 750 HP dhe ai ka kryer me sukses testin e parë të fluturimit.

Në këtë mënyrë Bayraktar AKINCI B thuhet se do të shërbejë si avioni luftarak me fuqinë më të madhe dhe me aftësinë më të lartë luftarake të klasit të tij.

Në testimin e kryer në Qendrën e Trajnimit dhe Testimit Bayraktar AKINCI që ndodhet në rajonin Çorlu, AKINCI B qëndroi në ajër për 1 orë e 16 minuta. Në fluturimin e parë të AKINCI B u kryen me sukses edhe testet e përcaktimit të parametrave aerodinamike.

“Së shpejti në qiell do të jetë edhe AKINCI C”

Drejtori i përgjithshëm i Baykar, Haluk Bayraktar, në një postim nga llogaria e tij Twitter deklaroi se, “Me dy vende kemi përfunduar marrëveshjen e eksportimit të Bayraktar AKINCI TİHA. Pas AKINCI B, i cili ka kryer me sukses fluturimin e parë dhe i cili ka një fuqi 2×750=1500 HP, në qiell së shpejti do të jetë edhe AKINCI C. Uroj të jetë i dobishëm”.

Ndërsa edhe lideri i teknologjisë Baykar, Selçuk Bayraktar në një postim nga llogaria e tij Twitter ka theksuar se, “Në klasën e tij është Mjeti Ajror pa Pilot më i fuqishëm dhe me aftësinë më të lartë luftarake në botë. Sot ka përfunduar me sukses fluturimin e tij të parë. Uroj të jetë në dobi të atdheut dhe popullit tonë”.

Tema relevante
/aa/
- Advertisement -spot_img

Më tepër

Të fundit