Koha e Amerikës mbaroi: Kurthi izraelit dhe e vërteta e madhe e Lindjes së Mesme

Trump gjatë dy muajve të fundit ka mbajtur distancë ndaj Izraelit. Ndërsa i priste të gjithë liderët në hyrjen kryesore, Netanyahun e pritën nga dera e pasme.
Trumpin në këtë luftë të pakuptimtë dhe pa fund e futën skifterët sionistë përreth tij dhe Netanyahu.
Edhe pse e paraqesin si superior sepse ka vrarë Khamenein, Trump është i vetëdijshëm se ka goditur në një mur të fortë. Ai tashmë ka filluar të kërkojë mënyra për të dalë nga kjo situatë.
Siç kemi thënë prej dy vitesh… Procesi i dobësimit dhe rënies së Amerikës ka filluar tashmë. As Trump nuk do të mund ta shpëtojë.
Në anën iraniane, siç tha edhe Hakan Fidan, regjimi në Iran nuk do të rrëzohet. Do të ishte më mirë për Iranin nëse do të arrinte të pastronte agjentët e Mossadit që janë infiltruar në vend.
Reza Pahlavi, aleati amerikano-izraelit që dëshiron të bëhet sërish shah i Iranit, mund vetëm të ëndërrojë për këtë. Duke iu drejtuar Bashkimit Evropian dhe duke kërkuar rrëzimin e regjimit dhe vendosjen e tij në pushtet, ai tha:
“Nëse ndodh ndryshimi i pushtetit dhe tregu iranian hapet për Amerikën, kjo me shumë gjasë do t’i sillte ekonomisë amerikane mbi një trilion dollarë kontribute dhe të ardhura.”
Me fjalë të tjera, ai tha: “Më vendosni mua në pushtet dhe unë do t’jua shes Iranin.”
Turqia këtë nuk do ta pranojë kurrë! Turqia që nga fillimi dëshiron vazhdimin e regjimit aktual, sepse ata që do të vinin në pushtet do të bëheshin një zgjatim i Izraelit.
Të njëjtin projekt u përpoqën ta zbatonin në Turqi me Ekrem İmamoğlu, por Zoti nuk ua lejoi. Sepse koha e tyre ka mbaruar.
Sezoni i Ehli-kufrit po kalon nga vera në vjeshtë, ndërsa ngritja e Islamit po hyn në pranverë.
Popujt e vendeve të Lindjes së Mesme po e shohin të vërtetën historike! Që nga momenti kur, për arin anglez, i tradhtuam Osmanlinjtë, nuk kemi jetuar në paqe. Vetëm mbretërit mbi kokat tona kanë jetuar në luks.
Edhe pse mbretërit dhe emirët e mohojnë, kjo gjeografi mallëngjehet për Osmanlinjtë. Nuk ka më kthim prapa!
Amerika, e cila ra në lojën izraelite dhe sulmoi në mënyrë të paligjshme Iranin, do të ndahet në pjesë. Koha e Amerikës ka përfunduar!
Nga tani e tutje, e vetmja gjë që Amerika duhet të bëjë është të hakmerret ndaj Izraelit që e solli në këtë situatë!