13.7 C
Pristina
Thursday, March 28, 2024

I vodhën kabllot, lanë në terr Autostradën

Më të lexuarat

Autostrada “Ibrahim Rugova” ka më shumë se një muaj që ka mbetur pa ndriçim, pasi që janë vjedhur kabllot elektrike, raporton KTV.

Rastin e vjedhjeve të kabllove e ka konfirmuar edhe zëdhënësi i Policisë së Kosovës, Baki Kelani. Ai ka theksuar se vjedhja ka ndodhur në rajonin e Prishtinës dhe Prizrenit.

Kelani ka treguar se policia ka identifikuar dhe ka arrestuar 3 persona. Ministria e Infrastrukturës pranon që ka ndodhur vjedhja e këtyre kabllove dhe pret që organet e rendit të arrestojnë keqbërësit.

Zëdhënësi i Ministrisë së Infrastrukturës, Lah Nitaj, ka deklaruar se kjo vjedhje është një dëm i konsiderueshëm dhe dëmtim i imazhit të Rrugës së kombit. Sipas tij, vjedhja nuk ka ndodhur vetëm një herë, por në etapa.

Ndërkohë, burime të KTV-së kanë thënë se kabllot elektrike në autostradë në rajonin e Prizrenit ishin vjedhur nga disa persona të cilët ishin veshur me uniforma kinse janë mirëmbajtës të autostradës.

- Advertisement -spot_img

Më tepër

Të fundit