Ministria e Punëve të Brendshme ka lansuar sot fushatën kombëtare kundër trafikimit të qenieve njerëzore, “Hapi sytë”. Fushata ka për qëllim ndërgjegjësimin e publikut dhe do të zgjasë një muaj dhe mbahet për të tretin vit me radhë.
“Hapi sytë” është fushatë parandalimi që ka në shënjestër fëmijët, të rinjtë dhe gratë, të cilët janë viktima apo viktima potenciale të shfrytëzimit seksual, të punës dhe të lëmoshës.
Në ceremoninë e hapjes së kësaj fushate kanë marrë pjesë, ministrat Bajram Rexhepi, Ramë Buja, Nenad Rashiq, zëvendësshefja e misionit në Ambasadën e SHBA-së, Kelly Degnan dhe Thomas Gnocchi, shef i sektorit për politikë, ekonomi dhe integrime evropiane në Komisionin Evropian./koha/kohaislame
