Figura më e rëndësishme e rezistencës që humbi të birin nga sulmet në Doha
Hamasi konfirmoi në një deklaratë se kryenegociatori i saj, Khalil Al-Hayya, është gjallë dhe i mbijetoi sulmit izraelit të së martës në një takim të udhëheqësve të lëvizjes palestineze në Doha, Katar.
“Pas masave të posaçme të sigurisë, Dr. Khalil al-Haya ishte në një funeral në Katar për djalin e tij martir, Himam, dhe viktimat e atentatit frikacak në Doha”, tha Hamasi, duke iu referuar gjashtë viktimave të sulmit izraelit, funerali i të cilëve u mbajt në kryeqytetin e Katarit të enjten, pa u shfaqur al-Haya atje.
Sipas burimeve pranë organizatës, ai ishte një nga gjashtë udhëheqësit e lëvizjes që ishin të pranishëm në ndërtesën e shënjestruar nga Izraeli. Midis viktimave të sulmit ishte Himam al-Haya, djali i shefit të Gazës në mërgim dhe negociatorit kryesor, Khalil al-Haya.
Khalil al-Haya, figura e lartë e Hamasit e shënjestruar nga Izraeli në sulmin ajror në Doha, është shfaqur si një figurë qendrore në organizatë pasi Ismail Haniyeh dhe Yahya Sinwar u vranë vitin e kaluar.
Hayya, i cili është i përfshirë aktivisht në negociatat e paqes, konsiderohet gjerësisht figura më me ndikim jashtë vendit pasi Haniyeh u vra nga Izraeli në Iran në korrik 2024. Ai është anëtar i këshillit prej pesë anëtarësh që drejton Hamasin pasi Sinwar u vra gjithashtu në Gaza tetorin e kaluar. /tesheshi.com/
