Serbi i tenisit botëror Novak Gjokoviç ka shokuar fansat e shumtë me një foto të publikuar në rrjetet sociale në të cilën pozon me krenari para flamurit çetnik.
Në Australi, Gjokoviç ka një mbështetje të madhe, ndaj vendosi të pozojë me fansat. Mirëpo, njëri prej tyre ka vendosur edhe një flamur të zi çetnik, para të cilit tenisti ka pozuar dhe mbi të cilin ka shkruar “Me besim në Zot për mbretin dhe atdheun”.
Bëhet fjalë për një foto të realizuar këtë vit, i cili sapo ka nisur, në vitin 2023.
Gjokoviç nuk njihet për qëndrime nacionaliste, por kësaj here ka lënë një shije të hidhur.
/teshesh.com
