Në shenjestër të Moskës, Gazprom Germany
Gjermania po shqyrton njoftimin e Rusisë se do të vendosë sanksione ndaj pjesëve të Gazprom Germany, një ish-degë e prodhuesit rus të gazit Gazprom në Gjermani, tha një zëdhënës i Ministrisë gjermane të Ekonomisë.
“Qeveria gjermane dhe Agjencia Federale e Rrjetit, si administrues të besuar të Gazprom Germany, janë tashmë në proces të marrjes së masave të nevojshme dhe përgatitjes për skenarë të ndryshëm”, tha një zëdhënës në një deklaratë.
Gazprom Germany dhe filialet e tij menaxhojnë objektet e depozitimit të gazit dhe tregtojnë këtë burim energjie në Gjermani pasi janë bashkëpronarë të tubacionit.
Furnizimi me gaz aktualisht është i garantuar dhe po kontrollohet vazhdimisht, shtoi zëdhënësi.
Agjencia Federale e Rrjetit lëshoi një deklaratë të ngjashme duke thënë se nuk kishte më informacion dhe po përgatitej për skenarë të ndryshëm.
Muajin e kaluar, Gazprom i Rusisë hoqi dorë nga pronësia e kompanisë pa asnjë shpjegim, duke detyruar rregullatorin gjerman të rrjetit të energjisë të marrë kontrollin e aktiviteteve atje, shton agjencia britanike. /tesheshi.com/
