14.4 C
Pristina
Saturday, May 18, 2024

Francë: vandalizohet xhamia që do hapej gjatë Ramazanit

Më të lexuarat

Pamje: asgjë e vjedhur, por shumëçka e shkatërruar

Xhamia e cila ishte gati të hapte dyert për falje këtë Ramazan në qytetin Wattignies, në veri të Francës, është dëmtuar ndjeshëm nga persona të panjohur.

Xhamia, e cila u ndërtua si pjesë e Fondacionit “El Emel”, u sulmua gjatë fundjavës nga një person ose grup personash të paidentifikuar, njoftoi media kombëtare.

Si pasojë e sulmit, ambientet e brendshme të xhamisë, përfshirë tavanet, janë bërë të papërdorshme dhe ka rezultuar se autorët kanë prerë më parë telat elektrike në objekt për të pamundësuar aktivizimin e alarmit dhe kamerës.

Megjithë shkatërrimin, xhamisë, e cila po përgatitej të hapte dyert për falje gjatë Ramazanit, nuk u vodh asgjë dhe ka nisur një hetim për sulmin.

Kryebashkiaku i Wattignies, Alain Pluss tha se ai besonte se sulmi ishte një akt islamofobik.

Përfaqësuesit e fondacionit gjithashtu deklaruan se mënyra se si u krye sulmi tregon se ai ishte planifikuar.

“E dënoj fuqishëm këtë vandalizëm islamofobik në Wattignies që ka kaluar kufijtë e tolerancës”, shkroi në Twitter deputeti francez David Guiraud. /tesheshil.com/

- Advertisement -spot_img

Më tepër

Të fundit