Takimi mes tyre të dielën në New York, te “Shtëpia Turke”
Presidenti turk Rexhep Tajip Erdogan pati një takim me biznesmenin Elon Musk në New York të dielën, gjatë të cilit ai i kërkoi CEO-s së Tesla-s që të ndërtojë fabrikën e shtatë të prodhuesit të tij të makinave në Turqi.
Gjatë takimit të tyre në të ashtuquajturën “Shtëpia Turke”, e cila strehon delegacionin e përhershëm të Turqisë në OKB dhe konsullatën turke në New York, Erdogan informoi themeluesin e Tesla-s dhe SpaceX mbi arritjet teknologjike të vendit të tij, vizionin e tij për dixhitalizimin e sektori publik turk dhe strategjinë kombëtare për inteligjencën artificiale, sipas një deklarate nga Drejtoria e Komunikimeve të Turqisë.
Presidenti turk përmendi gjithashtu se mund të shfaqen mundësi bashkëpunimi me SpaceX në programin hapësinor të Turqisë dhe ftoi Elon Musk në festivalin e hapësirës ajrore dhe teknologjisë Teknofest që do të mbahet në fund të muajit në Izmir. /tesheshi.com/
