8.2 C
Pristina
Friday, March 29, 2024

Erdoğan homologut ukrainas: Türkiye e gatshme të ndërmjetësojë në vendosjen e paqes

Më të lexuarat

Presidenti turk, në bisedën telefonike me homologun ukrainas, ka shprehur gatishmërinë për kontribut diplomatik në përshpejtimin e procesit për termocentralin Zaporizhzhia

Presidenti i Türkiye-s, Recep Tayyip Erdoğan, në një bisedë telefonike me homologun e tij ukrainas, Volodymyr Zelenskyy, shprehu gatishmërinë për lehtësim dhe ndërmjetësim për vendosjen e paqes së qëndrueshme me Rusinë, transmeton Anadolu Agency (AA).

Türkiye është “e gatshme të marrë përsipër detyrën e lehtësimit dhe ndërmjetësimit për vendosjen e një paqeje të qëndrueshme midis Rusisë dhe Ukrainës”, i ka thënë Erdoğan Zelenskyy-t, njoftoi në një deklaratë Drejtoria e Komunikimeve pranë Presidencës turke.

Dy liderët kanë diskutuar ndihmën humanitare dhe mbështetjen energjetike të Türkiye-s për Ukrainën, si dhe zhvillimet në korridorin e drithit, thuhet në deklaratë.

Përpjekjet për shkëmbimin e të burgosurve midis Moskës dhe Kievit po vazhdojnë, ka deklaruar Erdoğan, duke shprehur gatishmërinë e vendit të tij për kontribut diplomatik për të përshpejtuar procesin për termocentralin bërthamor Zaporizhzhia.

Zaporizhzhia, termocentrali më i madh në Evropë dhe një nga dhjetë centralet më të mëdha bërthamore në botë, ka qenë nën kontrollin e Rusisë që nga marsi i vitit të kaluar, menjëherë pas fillimit të luftës më 24 shkurt 2022.

Frika për një katastrofë bërthamore vazhdon në vazhdën e raportimeve për bombardime rreth zonës.

- Advertisement -spot_img

Më tepër

Të fundit