5.3 C
Pristina
Saturday, December 3, 2022

Delawie: Prijësit fetarë t’i prijnë luftës kundër ekstremizmit fetar

Më të lexuarat

Ambasadori i Shteteve të Bashkuara në Kosovë, Greg Delawie, ka theksuar se familja, shoqëria dhe prijësit fetarë janë ata që kanë rolin kryesor për luftimin e ekstremizmit fetar.
Ai në konferencën “Angazhimi i Shoqërisë Civile kundër Ekstremizmit të Dhunshëm” tha se është krenar për partneritetin e fuqishëm në mes Shteteve të Bashkuara dhe Kosovës, në luftën kundër ekstremizmit.

Delawie u shpreh se Ambasada e SHBA-ve në Kosovë i ka përkrahur autoritetet vendore për ta parandaluar dhe luftuar ekstremizmin e dhunshëm.

“Sa i përket çështjes së luftimit të ekstremizmit të dhunshëm, kemi nevoja thelbësore për të zhvilluar mënyra të përshtatshme dhe efektive për ta luftuar terrorizmin. Ambasada amerikane i ka mbështetur fuqimisht institucionet kosovare në luftimin e ekstremizmit të dhunshëm. Tani është thelbësore që prijësit fetarë t’i marrin frerët në duar, dhe t’i zbatojnë politikat qeveritare për luftimin e ekstremizmit të dhunshëm”, tha Delawie.

- Advertisement -spot_img

Më tepër

Të fundit