Deklarata e presidentit sirian Ahmed Al-Shar’ në lidhje me ndodhitë e fundit në Suwejda (referuar agjencisë siriane të lajmeve: SANA):
⸻
Presidenti al-Shar‘: Ngjarjet e fundit që ka përjetuar provinca e Suweida-s përbëjnë një kthesë shumë të rrezikshme; përplasjet e dhunshme mes këtyre grupeve pothuajse dolën jashtë kontrollit, po të mos ishte për ndërhyrjen e shtetit sirian për të qetësuar situatën.
⸻
Presidenti al-Shar‘: Shteti sirian arriti të qetësojë situatën pavarësisht vështirësive, por ndërhyrja izraelite e shtyu vendin në një fazë të rrezikshme që kërcënon stabilitetin e tij – si rezultat i bombardimeve të hapura në jug dhe mbi institucionet qeveritare në Damask. Si pasojë e këtyre zhvillimeve, ndërmjetësit amerikanë dhe arabë u përfshinë në përpjekje për të ndalur përshkallëzimin.
⸻
Presidenti al-Shar‘: Me tërheqjen e shtetit nga disa zona, grupe të armatosura nga Suweida filluan sulme hakmarrëse ndaj beduinëve dhe familjeve të tyre. Këto sulme, të shoqëruara me shkelje të të drejtave të njeriut, shtynë fiset e tjera të ndërhynin për të çliruar beduinët e rrethuar brenda Suweida-s.
⸻
Presidenti al-Shar‘: Shteti ka qëndruar përkrah Suweida-s pas çlirimit të Sirisë dhe është përpjekur ta mbështesë atë, por disa individë kanë keqinterpretuar rolin e qytetit dhe ndikimin e tij në stabilitetin kombëtar.
Presidenti al-Shar‘: Të kërkosh mbështetje nga jashtë dhe të përdorësh disa palë të brendshme në Suweida si vegla në konfliktet ndërkombëtare nuk është në interes të popullit sirian, përkundrazi, e përkeqëson krizën.
⸻
Presidenti al-Shar‘: Vetëm shteti sirian është i aftë të ruajë autoritetin dhe sovranitetin e tij në çdo cep të territorit sirian.
⸻
Presidenti al-Shar‘: Të gjithë duhet të kuptojnë se ky moment kërkon unitet të plotë për të kapërcyer periudhën që po kalojmë dhe për të ruajtur vendin dhe tokën tonë.
⸻
Presidenti al-Shar‘: I falënderojmë dhe vlerësojmë thellësisht Shtetet e Bashkuara të Amerikës për qëndrimin e tyre përkrah Sirisë në këto rrethana të vështira.
⸻
Presidenti al-Shar‘: Bashkimi Evropian, Rusia dhe Kina kanë mbajtur qëndrime të forta kundër bombardimeve izraelite dhe shkeljeve të përsëritura të sovranitetit sirian.
⸻
Presidenti al-Shar‘: Nuk është e drejtë të gjykojmë të gjithë komunitetin druz për shkak të sjelljeve të një grupi të vogël që ka devijuar nga rruga dhe nuk përfaqëson historinë e ndritur të kësaj komuniteti.
⸻
Presidenti al-Shar‘: Provinca Suweida mbetet një pjesë thelbësore e shtetit sirian, dhe druzët përbëjnë një shtyllë themelore të strukturës kombëtare të Sirisë.
⸻
Presidenti al-Shar‘: Ngjarjet e muajve të fundit kanë treguar qartë se bijtë e Suweida-s, pa dallim, qëndrojnë përkrah shtetit dhe refuzojnë projektet e ndarjes.
⸻
Presidenti al-Shar‘: Shteti sirian është i përkushtuar për të mbrojtur të gjitha pakicat dhe komunitetet fetare në vend, dhe është i vendosur të mbajë përgjegjës të gjithë shkelësit e ligjit.
⸻
Presidenti al-Shar‘: Ne distancohemi nga të gjitha krimet dhe shkeljet që kanë ndodhur, brenda apo jashtë Suweida-s, dhe theksojmë rëndësinë e vendosjes së drejtësisë dhe sundimit të ligjit.
⸻
Presidenti al-Shar‘: Në këtë rrethanë të ndjeshme, është e domosdoshme të dëgjohet zëri i arsyes dhe urtësisë, duke i hapur rrugë njerëzve të mençur e të matur.
