Faqja “Middle East Eye” zbulon informacione ekskluzive për një kërcënim të mëparshëm britanik ndaj Gjykatës Penale Ndërkombëtare, për ta penguar atë nga lëshimi i urdhrave të arrestit për Netanyahun dhe Galantin.
Një dokument sekret zbuloi se David Cameron, kur ishte ministër i Jashtëm, kishte kërcënuar fshehurazi Gjykatën Penale Ndërkombëtare dhe kishte lënë të kuptohej se Mbretëria e Bashkuar do të ndalonte financimin dhe nuk do ta njihte më Gjykatën, nëse ajo nuk tërhiqej nga ndjekja penale e Netanyahut. Por Prokurori i Përgjithshëm i Gjykatës, Karim Khan, qëndroi i palëkundur dhe lëshoi urdhrin e arrestit.
