0.7 C
Pristina
Thursday, December 9, 2021

BE: Edhe arsimi në Kosovë ka mangësi

Më të lexuarat

Ministrja e Arsimit, Arbërie Nagavci, duke iu referuar vlerësimit të Komisionit Evropian për cilësinë e dobët të arsimit në Kosovë, thotë se duhet të punohet shumë në këtë drejtim.

Ajo pohoi se të gjitha rekomandimet që janë dhënë do të përfshihen në Planin Strategjik të Arsimit, në periudhën 2022 -2026.

“Më gëzon fakti që ndonëse periudha e qeverisjes sonë është e shkurtër, tashmë janë shënuar edhe në raport për vendin disa zhvillime pozitive në fushën e arsimit. Konkretisht është përmendur si një gjë pozitive përzgjedhja e anëtarëve të Këshillit Shtetëror për Cilësi, rekomandimet e tjera janë pjesë e punës sonë. Planifikimit që tashmë veç i kemi bërë si ministri dhe të njëjtat po adresohen edhe në Planin Strategjik të Arsimit 2022 -2026 dhe po ashtu janë adresuar edhe në planifikimin e buxhetit, i cili do të mundësojë shënimin e hapave pozitiv për vitin e ardhshëm”, deklaroi Nagavci, raportin RTV21, përcjell Telegrafi.

Ndërkaq, drejtuesi i Institutit EdGuard, Rinor Qehaja thotë se rekomandimet e raportit të Progresit duhet të jenë si pikënisje për përmirësim të qëndrueshëm të cilësisë në arsim.

“Ministria e Arsimit duhet të ketë përkushtim institucional që të prioritetizojë një reformë më të thellë në arsim, e pastaj kjo reformë do të na sillte udhëzime që i përgjigjen edhe kërkesave specifike të agjendës evropiane. Ndërkaq të përgjigjurit vetëm në kërkesat e agjendës evropiane kam frikë që do të na anashkalojë edhe shumë prioritete tjera që vërtetë prekin sistemin tonë arsimor”, tha Qehaja.

- Advertisement -spot_img

Më tepër

Të fundit