Sot në mëngjes, në Gjakovë ka ndodhur një aksident trafiku, ku si pasojë një person i moshës 60-vjeç ka mbetur i vdekur në vend të ngjarjes.
Sipas policisë, ngasësi i një automjeti kishte goditur nga prapa një ngasës me biçikletë, me ç’rast kishte ikur nga vendi i aksidentit pa i dhënë as ndihmën e parë.
Në vend kishte mbetur pa shenja jete shtetasi, Elvi P.(1952), vdekjen e të cilin e ka konstatuar mjeku që kishte arritur në vendin e ngjarjes.
Efektivët policor menjëherë janë venë në ndjekje të drejtuesit te automjetit dhe kanë arritur që të njëjtin ta ndalojnë në afërsi të spitalit të qytetit Gjakovë.
I dyshuari është Arbër K. (1989), i cili me urdhër të prokurorit është dërguar në mbajtje.kohaislame
