“Nëse nuk kthehemi ne në Halep, fëmijët tanë do të kthehen patjetër. Nëse edhe ata nuk do të mund të kthehen atëherë nipërit tanë do të kthehen patjetër”
Evakuimet nga lindja e Halepit i cili ndodhet nën rrethimin e forcave të regjimit dhe grupeve terroriste të jashtme, si dhe nga rajoni Fua dhe Kefreja në Idlib janë ende duke vazhduar, raporton Anadolu Agency (AA).
Sipas informacioneve të marra nga gazetari i AA-së që ndodhet në Halep, mësohet se vazhdojnë përgatitjet për nisjen e një autokolone me 15 autobusë, për te evakuuar 700 persona.
Në fazën e fundit të evakuimeve 700 automjete personale dhe 20 autobusë dolën nga lindja e Halepit dhe arritën në rajonin Rashidin, ndërsa 4 autobusë u evakuuan nga rajoni Fua dhe Keferja në të njëjtën kohë.
Deri më tani nga lindja e Halepit janë evakuuar rreth 40 mijë refugjatë dhe opozitarë. Ndërsa të evakuuarit thonë për AA se shpresojnë që një ditë të rikthehen në Halep.
Salih Muhammed i cili u evakuua ditën e djeshme nga Halepi thotë se i kanë mbajtur 2 ditë në pikën e kontrollit në Ramuse nga ana e regjimit.
“Në pikën e kontrollit kishte vetëm ushtarë iranianë dhe rusë. Nuk kishte asnjë ushtar sirian”, ka thënë Muhammed dhe më pas shton se ka kaluar dy netë të ftohta në autobus.
“Zoti qoftë i kënaqur nga Ushtria e Lirë Siriane (ULS). Ata na dhanë çdo gjë. Ndërsa regjimi nuk na dha as ujë”, ka thënë Muhammed.
Duke theksuar se një ditë do të kthehet patjetër në Halep, Salih Muhammed ka shtuar: “Halepi është qyteti jonë. Ne jemi populli i Halepit. Nëse nuk kthehemi ne në Halep, fëmijët tanë do të kthehen patjetër. Nëse edhe ata nuk do të mund të kthehen atëherë nipërit tanë do të kthehen patjetër.”
