Ushtarët izraelitë kanë arrestuar 6 palestinezë në Bregun Perëndimor, vend ky që ndodhet nën pushtimin izraelit prej shumë kohësh, raporton Anadolu Agency (AA).
Në një deklaratë me shkrim ushtria e Izraelit njoftoi sot arrestimin e 6 palestinezëve në rajonet El Hilal, Xhenin, Kefr Kalil dhe Bejt Fuxhxhar. Ushtria izraelite thotë në deklaratën e saj se palestinezët ishin anëtarë të Hamas dhe lëvizjes Xhihadiste Islame.
Ushtria izraelite pothuajse çdo ditë organizon operacione në Bregun Perëndimor. Nga ana tjetër sipas një lajmi të radios izraelite thuhet se të arrestuarit kanë sulmuar kolonët hebrenj në këtë rajon./AA
