Një zëdhënës i qeverisë pakistaneze dënoi shpërblimin prej 100 mijë dollarësh të ofruar nga një ministër i kabinetit për kokën e regjisorit të filmit anti-islamik.
Zëdhënësi Shafqat Jalil deklaroi të dielën për “BBC” se qeveria “distancohej tërësisht” nga qëndrimi i “vajtueshëm” i ministrit të Hekurudhave, Ghulam Ahmad Bilour.
Filmi i prodhuar në Shtetet e Bashkuara të Amerikës konsiderohet si fyes ndaj Profetit Islamik dhe vetë myslimanizmit.Si rrjedhojë, ai ka ndezur një valë protestash në vendet e Lindjes së Mesme dhe në Afrikën Veriore, të cilat i kanë kushtuar jetën dhjetëra besimtarëve dhe ambasadorit amerikan në Libi, të vrarë më parë gjatë shtatorit pas një sulmi në konsullatën e Benghazit.
Shpërblimi për vrasjen e regjisorit erdhi në ditën në të cilën në përballjen me policinë përpara ambasadës në Islamabad, të paktën 25 pakistanezë mbetën të vrarë. Në një deklarim publik, ministri i Hekurudhave pati thënë: “Do të shpërblej me 100 mijë dollarë këdo që vret regjisorin e atij filmi dhe nëse dikush do të bëjë ndonjë material të tillë në të ardhmen, do t’i ofroj përsëri të njëjti shpërblim. Liria e shprehjes nuk mund të përfshijë ofendimin e Profetit. Nëse kjo do të ndodhë, e ardhmja do të jetë tepër e rrezikshme për të gjithë”.
Filmi, nga i cili qeveria amerikane është “distancuar tërësisht”, u regjistrua në mënyrë amatore në SHBA nga një regjisor i krishterë egjiptian.
>Qeveria pakistaneze s’mbështet shpërblimin për vrasjen e autorit të filmit.kohaislame
