Një pjesë e njerëzve, në Shqipëri edhe në Kosovë i shikojnë politikanët si biznesmenë, si njerëz që merren me politikë për të bërë ca lekë dhe për t’i vënë me një anë, dhe për të bërë privatizim, për të krijuar një kompani etj, etj., ka thënë ish kryeministri shqiptar Pandeli Majko.
“Ç’është kjo? Ku po shkojmë ne kështu? Shumë shpejtë, këta që po ndajnë pronën do të kërkojnë rregulla, por harrojnë se duke vazhduar kështu do të kenë krijuar një shkollë të ndarjes dhe rindarjes, ata do ikin, e do vijnë ca të tjerë, thotë Majko.
Ai në pjesën e dytë të intervistës ka folur edhe për njerëzit që kanë leje për të bërë korrupsion. Tregon pse dhe si u fut në politikë, pse nuk votoi për Partinë Demokratike edhe pse ishte pjesë e kundërshtimit të sistemit dhe si kaloi në Partinë Socialiste, për kohën kur në Shqipëri kanë filluar “të bashkëjetojnë e të bashkëluftojnë “ e majta dhe e djathta, për ngjashmëritë e zhvillimeve në Kosovë e në Shqipëri, për kohën e eksodit të Kosovës në Shqipëri, për dialogun Kosovë – Serbi, për fundin e pavarësisë së mbikëqyrur.kohaislame
