Një mysliman mbeti i befasuar kur një person, krejtësisht i panjohur, iu afrua dhe i tha se e urrente fenë e tij- deri në momentin që i shpjegoi arsyen.
Mouaz Moustafa po udhëtonte në Irlandë kur u takua me këtë tipin misterioz në një pub në Dublin.
Ai thotë se u frikësua se cila mund të ishte arsyeja se përse ai i urrente myslimanët.
Moustafa, që është Drejtor Ekzekutiv i Task Forcës së Emergjencës Siriane, nuk kishte arsye për t’u shqetësuar.
“Ky tipi irlandez erdhi tek unë krejt rastësisht dhe më tha: A e di se çfarë urrej më shumë tek myslimanët?”
“Mora frymë thellë dhe kisha frikë nga ajo që do thoshte më pas, por ai shtoi: ‘me gjithë këtë islamofobinë e mallkuar, nëse do kishte më shumë njerëz që do njihnin personalisht një mysliman, do e dinin se nuk duhet të frikësohen nga një grup i tërë fetar, pasi ju nuk jeni ndryshe nga të krishterët ose hebrenjtë’”.
Moustafa shton: “Një tjetër arsye përse e dashuroj Dublinin dhe Irlandën”.
