Departamenti amerikan për Marrëdhënie me Jashtë bëri një deklaratë në lidhje me rrëzimin e avionit luftarak turk.
Zëdhënësja e këtij dikasteri, Viktoria Nullënd (Victoria Nuland) rrëzimin e avionit luftarak turk nga ana e Sirisë e cilësoi si “një veprim të poshtër”.
E pyetur gjatë konferencës së rregullt për shtyp në lidhje me deklaratën e Presidentit të Sirisë, Beshar Esat, ku citohet të ketë thënë se “Nuk kishin dijeni se avioni i rrëzuar i takonte Turqisë”, Nullënd tha se nuk do të bëjë ndonjë koment në lidhje me këtë dhe përsëriti deklaratën e mëparshme duke thënë se “avioni është rrëzuar pa asnjë paralajmërim, ky është një akt i poshtër”.
