Facebook pa dyshim se është pjesë e pandryshueshme e jetës sonë sociale, duke na sjellë ndërveprim me rreth një miliard njerëz online.
Facebook ndryshoi mënyrën tonë të komunikimit dhe bashkëveprimit dhe ky fakt nuk mund të injorohet. Bashkëthemeluesi dhe shefi ekzekutiv i Facebook-ut, Mark Zuckerberg, u bë një senzacion medial.
Sa sipërmarrës 27 vjeçar kanë ndonjë film të shkruar nga Aaron Sorkin dhe të regjisuar nga David Fincher që flet për ta?. Por çka dini ju për kompaninë, e cila di gati gjithçka për ju? PCWorld ju sjell 25 fakte interesante për Facebook.
1.Bashkëthemeluesi dhe shefi ekzekutiv Mark Zuckerberg lansoi Facebook-un në shkurt të vitit 2004.
2. Facebook ka më shumë se 845 milionë përdorues, prej të cilëve 483 milionë janë përdorues ditor.
3. Më shumë se 3,000 punonjës punojnë për Facebook-un në mbarë botën, në disa shtete të Amerikës, Dublin, Londër, Madrid, Amsterdam, Singapur dhe Tokio.
4. Personifikimi i parë i Facebook-ut ishte “Facemash,” i cili në katër orët e para të lansimit online kishte 450 vizitorë dhe 22,000 fotografi.
5. Më shumë se 62 milionë përdorues “e pëlqejnë” faqen zyrtare të Facebook– ky numër vazhdon të rritet.
6. Njoftimi për “ditëlindjen”, e tetë të Facebook arriti më shumë se 348,000 “pëlqime” dhe 80,000 komente brenda vetëm 2 javësh.
7. Pasuria personale e Zuckerberg vlerësohet në 17,5 miliardë dollarë.
8. Në vitin 2007, Zuckerberg ende jetonte në një apartament dhe kishte një dyshek për fjetje në tokë.
9. Në vitin 2010, Zuckerberg u emërua “Personi i Vitit” nga revista Time.
10. Bashkëthemeluesi i Facebook, Chris Hughes ishte temë e titullit të revistës “Fast Company”, në prill të vitit 2009, titull ky që fillonte me “Djaloshi që e bëri Obamën president…”
11. Një kompani ligjore tregoi se Facebook është shkaktar i një në pesë raste të divorceve
12. Një zyrtar publik i shëndëtësisë pohoi se, Facebook ishte përgjegjës për rritjen e rasteve të sëmundjes së sifilisit.
13. Facebook fillimisht njihej me “The Facebook”, deri në vitin 2005 kur kompania bleu domenin, facebook.com për 200,000 dollarë.
14. Në faqen e tij në Facebook, Zuckerberg “pëlqen” garat me kuaj, grupin muzikor Daft Punk, aktorin George Takei, këngëtarin Jay-Z dhe filmin The Godfather.
15. Filmi The Social Network, i inspiruar nga tregimi i Facebook, arriti të grumbulloj rreth 224 milionë dollarë në mbarë botën.
16. Binjakët Winklevoss, dy vëllezërit që akuzuan Zuckerberg-un për vjedhje të idesë së krijimit të Facebook, morën pjesë në Lojërat Olimpike 2008
17. Zuckerberg ishte kapiten i shkollës së tij në garën e luftërave me shpata.
18. Në nëntor të vitit 2007, një Ueb faqe e quajtur 02138 publikoi numrin e sigurimit social të Zuckerberg dhe adresën e prindërve dhe të dashurës së tij.
19. Bashkëthemeluesi i PayPal ishte investitor i hershëm në Facebook.
20. Seriali South Park përqeshi Facebook-un ne vitin 2010 me episodin “Ju keni 0 shokë.”
21. Facebook është në dispozicion në më shumë se 70 gjuhë të botës.
22. Kompanitë që blejnë në timeline të aplikacioneve të Facebook përfshijnë edhe Ticketmaster, Pinterest, Rotten Tomatoes dhe TripAdvisor.
23. Memologjia u prezantua në dhjetor të vitit 2011 që të krahasohet me temat më të përmendura të sivjetme me ato të vitit të kaluar.
24. Facebook nuk është edhe aq i shpejt në vizatim: Apple lansoi tabletin iPad në fillim të vitit 2010. Facebook nuk kishte ndonjë aplikacion të tillë deri në tetor të vitit 2011.
25. Disa prej përdoruesve të fundit të Facebook Live ishin edhe guvernatori i New Jersey, Chris Christie, Dr. Mehmet Oz, Oprah Winfrey dhe Arianna Huffington. (PCWorld Albanian)
