A je sëmurë?
A je i trishtuar?
A je në vështirësi, ngushticë apo probleme?
A ke vuajtje financiare apo familjare?
A po dhembesh për prindërit, fëmijët apo të dashurit e tu?
A ndien ankth, frikë apo mërzi?
A të shqetësoi sot diçka në shtëpi?
Në rrugë?
Në punë?
Në treg?
A ta prishi humorin dikush me telefonatë apo mesazh?
A të lodhi diçka?
A ndien pendim për diçka?
A të kaplojnë ndjenja negative dhe zhgënjim?
A kalove sot një varg shqetësimesh në makinë, gjatë ecjes apo në biseda me njerëzit?
A të shqetësoi vapa apo pluhuri?
Ose gropat në rrugë?
A kalove papritur mbi një gungë në rrugë?
A u përballe me ndryshim të rrugës për shkak të ndonjë projekti?
A të ra buria e një makine pranë teje pa edukatë?
A të ra telefoni pranë sediljes së makinës dhe u lodhe duke e kërkuar?
A të dhembi kolli i fëmijës tënd?
Temperatura e vajzës tënde?
Udhëtimi i gjatë për djalin tënd?
A të ndikoi rezultati i vajzës tënde?
E gjithë kjo, madje edhe dhimbjet që i ke harruar,
janë në regjistrin e arritjeve të tua sot.
Ajo që ke përjetuar sot
është pastrim i një grumbulli të madh gjynahesh.
Sikur të të zbulohej çfarë shpërblimi ke marrë nga ajo që të ndodhi sot,
do të ndjeje gëzim të madh për madhësinë e arritjeve me të cilat Allahu të ka nderuar.
Në Musned dhe libra të tjerë transmetohet se Ebu Bekri رضي الله عنه tha:
“O i Dërguari i Allahut, si është shpëtimi pas këtij ajeti:
﴿لَيْسَ بِأَمَانِيِّكُمْ وَلَا أَمَانِيِّ أَهْلِ الْكِتَابِ، مَنْ يَعْمَلْ سُوءًا يُجْزَ بِهِ﴾
‘Nuk është sipas dëshirave tuaja e as dëshirave të Ithtarëve të Librit; kush bën keq, do të shpërblehet për të.’
A do të shpërblehemi për çdo të keqe që kemi bërë?”
Atëherë i Dërguari i Allahut ﷺ tha:
“Allahu të faltë, o Ebu Bekr!
A nuk sëmuresh?
A nuk lodhesh?
A nuk trishtohesh?
A nuk të godasin vështirësitë?”
Ai tha: “Po.”
Profeti ﷺ tha:
“Atëherë, kjo është prej asaj me të cilën shpërbleheni.”
Dr. Abdullah bin Belkasim
