Sekretari i Mbrojtjes i SHBA-së, Pete Hegseth
Sekretari i Mbrojtjes i SHBA-së, Pete Hegseth njoftoi se një anije që dyshohet se mbante drogë në Oqeanin Paqësor u sulmua, duke vrarë katër persona në bord, transmeton Anadolu.
Hegseth publikoi pamjet e sulmit ndaj një anijeje që dyshohet se mbante drogë në SHBA pranë brigjeve të Paqësorit Lindor, në platformën e mediave sociale të kompanisë amerikane X.
Ai pretendon se anija ishte e përfshirë në dërgesën e drogës së paligjshme ndërsa po udhëtonte në një rrugë të njohur të kontrabandës së drogës. Sekretari amerikan i Mbrojtjes tha se katër persona në bord u vranë në sulm.
Hegseth thekson se anija drejtohej nga një grup që SHBA-ja e ka cilësuar si “organizatë terroriste”.
Presidenti i SHBA-së, Donald Trump, në një urdhër ekzekutiv, urdhëroi përdorimin në rritje dhe më efektiv të ushtrisë për të luftuar kartelet e drogës në Amerikën Latine.
Në këtë kontekst, SHBA-ja dërgoi një forcë detare të përbërë nga nëndetëse dhe anije luftarake pranë brigjeve të Venezuelës në fund të gushtit. Sekretari i Mbrojtjes Hegseth tha se ushtria amerikane ishte gati për operacione në Venezuelë, përfshirë ndryshimin e regjimit.
Sulmet e fundit të ushtrisë amerikane ndaj anijeve në Karaibe dhe Oqeanin Paqësor, të dyshuara për kontrabandë droge dhe shënjestrimi i drejtpërdrejtë i njerëzve në bord, kanë nxitur reagime për “vrasje jashtëgjyqësore” në bashkësinë ndërkombëtare.
