Sipas burimeve izraelite, ushtria izraelite pritet të tërhiqet plotësisht nga Rripi i Gazës deri në orën 12:00 të mesditës së sotme.
Pas kësaj, do të nisë periudha 72-orëshe e përcaktuar nga marrëveshja e re, gjatë së cilës Lëvizja Hamas do të duhet të kthejë pengjet e gjallë në disa faza.
Ushtria ka përfunduar çmontimin e bazave dhe fortifikimeve ushtarake brenda Gazës dhe po përgatitet për tërheqjen e plotë drejt vijës së verdhë.
Ndalimi i zjarrit pritet të hyjë zyrtarisht në fuqi sot në orën 12:00, çka do të shënojë përfundimin e luftës.
Megjithatë, burime ushtarake raportojnë se nuk ka pasur ende një deklaratë zyrtare për shkak të tensioneve në terren, ku janë regjistruar të shtëna sporadike ndaj personave të dyshuar që i afrohen forcave izraelite.
