Trupat e të vrarëve dhe të plagosurve u transportuan në Spitalin e Dëshmorëve Al-Aksa në qytet, ku u konfirmua se një nga të vrarët ishte një foshnjë e porsalindur vetëm njëditëshe
Një aeroplan luftarak izraelit shënjestroi një shtëpi në pjesën qendrore të Gazës, duke çuar në viktima dhe lëndime të shumta në mesin e civilëve.
Sipas burimeve lokale, Izraeli goditi shtëpinë e familjes al-Kahlut në Deir al-Balah. Trupat e të vrarëve dhe të plagosurve u transportuan në Spitalin e Dëshmorëve Al-Aksa në qytet, ku u konfirmua se një nga të vrarët ishte një foshnjë e porsalindur vetëm njëditëshe.
Të dielën, ushtria izraelite njoftoi fillimin e një ofensive të gjerë tokësore në Rripin e Gazës.
Ushtria izraelite ka zhvilluar një ofensivë brutale kundër Gazës që nga tetori 2023, duke vrarë gati 53.500 palestinezë, shumica prej tyre gra dhe fëmijë.
Gjykata Ndërkombëtare Penale lëshoi urdhra arresti nëntorin e kaluar për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një padi për gjenocid në Gjykatën Ndërkombëtare të Drejtësisë për luftën e tij në enklavën palestineze.
