Shejh Ibën Uthejmini, Allahu e mëshiroftë, ka thënë:
Gjendjet e atij që shkon te fallxhori janë tri:
- Të shkojë dhe ta pyesë, pa e besuar dhe pa pasur qëllim të zbulojë gjendjen e tij – Kjo është e ndaluar dhe dënimi i atij që vepron kështu është se nuk do t’i pranohet namazi për dyzet ditë.
- Të shkojë dhe ta pyesë, duke e besuar atë që thotë – Kjo është kufër ndaj Allahut të Plotfuqishëm. Personi duhet të pendohet dhe të kthehet te Allahu i Plotfuqishëm. Nëse nuk pendohet dhe vdes në atë gjendje, ai vdes në kufër.
- Të shkojë dhe ta pyesë, vetëm për ta sprovuar dhe për ta zbuluar gjendjen e tij për njerëzit – Kjo nuk ka ndonjë problem dhe është e lejuar.
| el-Mexh’mu’uth-Themin • 2/136-137 |
Përktheu: B. Gj.
