Amaneti prekës i një dhjetë vjeçareje që ju shua jeta si qindra jetëve si ajo
Dhjetëvjeçarët duhet të jenë të zënë me lojëra, vizatime dhe shoqërim me fëmijët e tjerë, e jo të shkruajnë testament në rast vdekjeje.
Dhjetë vjeçarja Rasha dhe vëllai i saj Ahmed Al-Areer, i cili ishte një vit më i madh, të dy mësuan përmendësh të gjithë Kuranin. Ata i mbijetuan mrekullisht një sulmi ajror izraelit në shtëpinë e tyre tre muaj përpara se një bombë izraelite t’i vriste të dy. Më pas ekipet e shpëtimit i nxorrën nga rrënojat. Fatkeqësisht, në fund të shtatorit të këtij viti, Rasha dhe vëllai i saj Ahmed u vranë së bashku në një sulm që pasoi në pjesën lindore të qytetit të Gazës.
Shpëtuesit gjetën testamentin që kishte lënë Rasha, në të cilin ajo ua la trashëgim të afërmve dhe nevojtarëve gjithçka që kishte.
“Amaneti im, nëse vdes: Ju lutem mos qani për mua, se lotët tuaja më lëndojnë. Shpresoj që rrobat e mia t’u jepen nevojtarëve. Rahaf, Sara, Judy, Lana dhe Batool duhet të ndajnë çantën time. Kompletet e mia të rruazave duhet të shkojnë tek Ahmedi dhe Rahafi. Shtesa ime mujore, 50 sikla, 25 për Rahafin dhe 25 për Ahmedin. Tregimet dhe fletoret e mia për Rahafin. Lodrat e mia për Batool. Dhe ju lutemi mos i bërtisni vëllait tim Ahmed, ju lutem ndiqni këto dëshira.”
Në testamentin e saj, Rasha kërkoi që askush të mos i bërtiste vëllait të saj të madh, Ahmedit, një fëmijë plot energji, i cili gjithashtu shkëlqeu në shkollë dhe ishte i dashur për të gjithë. Interesante: ajo besonte se Ahmedi do ta mbijetonte atë, do të trashëgonte 25 siklat e saj dhe do të bënte një jetë që nuk mundi. Por ata ishin të destinuar të takonin fundin së bashku, ashtu siç jetuan, nën ankthin e bombave dhe duke vuajtur nga uria së bashku.
Në një univers paralel ky do të ishte një krim i pafalshëm lufte, por jo në Gaza. Ata janë vetëm dy nga dhjetëra qindra fëmijë të vrarë.
Që nga 7 tetori 2023, Izraeli ka vrarë më shumë se 16,700 fëmijë në Gaza dhe ka lënë të paktën 17,000 fëmijë pa prindër.
Në janar 2024, Save the Children raportoi se 10 fëmijë gjymtohen nga humbja e gjymtyrëve çdo ditë. Deri në pranverë, pothuajse 88 përqind e të gjitha shkollave u shkatërruan ose u dëmtuan. /tesheshi.com/
