Prurjet e reja njerëzore në një konflikt, përballja e parë
Një video e një ushtari të supozuar rus që flet se si ushtarët e Koresë së Veriut të dislokuar për të luftuar forcat ukrainase në Kursk rrezikuan njësinë e tyre duke qëlluar në drejtim të gabuar, po qarkullon në internet.
Videoja e postuar nga profili pro-ukrainas Victoria në X, supozohet se tregon një ushtar rus në robëri ukrainase duke folur në kamerë për përvojën e tij me forcat e reja që luftojnë në anën e Moskës.
Ushtari tha se anëtarët e njësisë së tij dhe 10 ushtarë të Koresë së Veriut u sollën në pyll për të gërmuar llogore dhe se këtyre të dytëve iu dhanë të gjitha rrobat dhe ushqimet e ngrohta, raporton Neësëeek dhe thekson se nuk ishte e mundur të konfirmohej në mënyrë të pavarur autenticiteti i videos dhe informacionit.
“Gjatë sulmit, koreanët filluan të qëllonin mbi ne”, tha një ushtar rus i paidentifikuar. “Ne u përpoqëm t’u shpjegonim se ku të synonin, por ata qëlluan nga ne.
Vendosa që në këtë situatë ishte më mirë të dorëzoheshim sesa të vriteshim nga plumbi tanë”, shtoi ushtari.
“Shpresojmë që ‘zjarri miqësor’ të mos ishte aq miqësor në fund të fundit”, ka komentuar profili X në tekstin që shoqëron videon.
Pamjet u shfaqën në mediat sociale pasi Kievi tha se ushtarët e parë të Koresë së Veriut të stacionuar në rajonin Kursk të Rusisë ishin vënë nën zjarr, mes shqetësimeve në rritje ndërkombëtare për përfshirjen e drejtpërdrejtë të një pale të tretë në konflikt.
Vlerësohet se rreth 8,000 ushtarë të Koresë së Veriut janë dislokuar në rajonin rus, ku më 6 gusht, trupat ukrainase pushtuan papritur një pjesë të rajonit, dhe së fundmi forcat e Kremlinit kanë rifituar një pjesë të konsiderueshme të territorit. Sipas raporteve nga shërbimi i inteligjencës ushtarake të Ukrainës (HUR) javën e kaluar, një total prej rreth 12,000 trupash të Koresë së Veriut, duke përfshirë 500 oficerë dhe tre gjeneralë, janë vendosur në Rusi dhe disa njësi tashmë janë zhvendosur në rajonin e Kurskut. /tesheshi.com/
