Presidenti turk pret Mahmud Abbasin në Ankara: Si Netanyahu në Uashington!
Presidenti turk Rexhep Tajip Erdogan tha të mërkurën se vendi i tij do të kërkojë ta mbajë Izraelin përgjegjës për krimet që ka kryer në Rripin e Gazës dhe nuk do ta lejojë atë t’i “vërë zjarrin rajonit”.
“Ne do të kundërshtojmë përpjekjet e Izraelit për t’i vënë zjarrin rajonit. Izraeli, i cili po kryen gjenocid (në Gaza), do të mbahet përgjegjës,” tha Erdogan në një ceremoni që shënonte themelimin e Partisë së tij për Drejtësi dhe Zhvillim në 2001.
Erdogan tha gjithashtu se presidenti palestinez Mahmud Abbas do t’i drejtohet parlamentit turk të enjten. Atë ditë, parlamenti republikan do të mblidhet urgjentisht në mbështetje të Palestinës.
“Abbas do të jetë mysafiri ynë sot dhe nesër ai do t’i drejtohet parlamentit. Ai do t’i shpallë të gjithë botës luftën palestineze për liri. Ne do t’i tregojmë të gjithë botës se Abbas ka të njëjtën të drejtë të flasë në parlamentin tonë si Netanyahu ka në Shtetet e Bashkuara”, tha presidenti turk.
Autoritetet turke dënuan fjalimin e Netanyahut në Kongresin Amerikan më 24 korrik dhe e ftuan Abbasin t’i drejtohej parlamentit të shtetit më 15 gusht.
Abbas mbërrin të mërkurën në mbrëmje për një vizitë dyditore në Turqi dhe u takua me Erdoganin në të njëjtën ditë. /tesheshi.com/
