Në qytet po vazhdojnë përpjekjet e kërkim-shpëtimit, ndërsa nga shumë vende, përfshirë Türkiyen, kanë arritur ekipe të ndihmës
Në shumë pika të qytetit Derna, më të goditurin në Libi nga përmbytjet e shkaktuara nga stuhia “Daniel” më 10 shtator, shihen gjurmët e dhimbshme që ka lënë mbrapa fatkeqësia, raporton Anadolu.
Stuhia, e cila përfshiu Mesdheun Qendror, shkaktoi fatkeqësi në shumë vendbanime, veçanërisht në Derna.
Në qytet po vazhdojnë përpjekjet e kërkim-shpëtimit, ndërsa nga shumë vende, përfshirë Türkiyen, kanë arritur ekipe të ndihmës.
Fotografitë dhe pamjet e xhiruara me dron tregojnë se shumë pjesë të Dernas janë kthyer në grumbull mbeturinash.
Ndërsa shtëpitë dhe automjete janë shndërruar në rrënoja nga digat e shembura gjatë stuhisë, mijëra njerëz kanë humbur jetën.
Siç mund të shihet, disa automjete madje kanë përfunduar në katet e sipërme të shtëpive, kurse po ashtu shumë ushqime janë bërë të papërdorshme nga hyrja e ujit në markete.
Me largimin e pothuajse gjithë popullsisë civile nga qyteti, Derna ka filluar t’i ngjajë një qyteti fantazmë.
Më herët gjatë ditës, Zyra e Çështjeve Humanitare të OKB-së (OCHA) tha se të paktën 11.300 njerëz kanë humbur jetën dhe mbi 10.000 të tjerë mbeten ende të zhdukur nga përmbytjet vdekjeprurëse në Derna.
Derna u godit më së shumti përmbytjet vdekjeprurëse që ndodhën pasi digat e qytetit shpërthyen, duke rrëmbyer shtëpi dhe njerëz.
