Teknologjia e “frikshme”, gati seanca e parë në Këshillin e Sigurimit
Këshilli i Sigurimit i Kombeve të Bashkuara do të mbajë sesionin e tij të parë zyrtar mbi inteligjencën artificiale në New York këtë javë, pasi Britania e Madhe bëri thirrje për një dialog ndërkombëtar mbi ndikimin e saj në paqen dhe sigurinë globale.
Qeveritë në mbarë botën po shqyrtojnë mënyrën se si të zbusin rreziqet e llojit të teknologjisë që mund të ndryshojë rrënjësisht ekonominë botërore dhe të riformojë mjedisin e sigurisë ndërkombëtare.
Mbretëria e Bashkuar kryeson Këshillin e Sigurimit të OKB-së këtë muaj dhe po përpiqet të vendoset si një lider global në rregullimin e inteligjencës së huaj.
Seanca e së martës do të drejtohet nga ministri i Jashtëm britanik James Cleverly, transmeton Reuters.
Në qershor, Sekretari i Përgjithshëm i OKB-së Antonio Guterres mbështeti një propozim nga disa njerëz kryesorë në këtë fushë për të krijuar një organ ndërkombëtar rregullator për inteligjencën artificiale, si Agjencia Ndërkombëtare e Energjisë Atomike (IAEA). /tesheshi.com/
