Prishtinë, më 2 dhjetor 2022
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim dr. Muhamed Besharin, sekretar i përgjithshëm i Organizatës Ndërkombëtare të Këshillit Botëror të Shoqërive Islame, me seli në Abu Dhabi të Emirateve të Bashkuara Arabe.
Myftiu Tërnava fillimisht i uroi mirëseardhje delegacionit nga Emiratet, duke i falënderuar kështu për vizitën. Më pas ai i njohu mysafirët me organizimin e jetës fetare në vendin tonë, si dhe me organizimin dhe funksionimin e institucionit të Bashkësisë Islame të Kosovës.
Në këtë takim u diskutua edhe për thellimin e bashkëpunimit ndërmjet dy institucioneve, sidomos në fushën e arsimit, kulturës dhe aktiviteteve të tjera, gjithnjë në shërbim të harmonisë e paqes mes popujve.
Dr. Muhamed Beshari falënderoi Myftiun Tërnava për mikpritjen e ngrohtë.
The post Myftiu Tërnava priti në takim, dr. Muhamed Besharin appeared first on Bashkësia Islame e Kosovës.
