Borell: Pse duhet të durojmë presionin e Putinit

Kreu i diplomacisë evropiane, Josep Borrell, u bëri thirrje evropianëve që të vazhdojnë sanksionet kundër Moskës dhe të “duronin” kundër rritjes së çmimeve të energjisë dhe ushqimeve si rezultat i luftës në Ukrainë.

“Është një provë qëndrueshmërie për shoqëritë tona,” tha ai të hënën në fund të një takimi të ministrave të jashtëm të BE-së në Bruksel.

“Jam i sigurt se (presidenti rus Vladimir) Putin po mbështet në lodhjen e demokracive. Jam i sigurt se ai beson se demokracitë janë të dobëta. Shoqëritë evropiane nuk kanë kohë të lodhen,” tha ai.

Udhëheqësit evropianë shqetësohen se një armiqësi ndaj sanksioneve perëndimore kundër Moskës po rritet në opinionin publik ndërsa çmimet e karburantit, gazit dhe energjisë elektrike rriten.

“Shoqëritë evropiane dhe qeveritë e vendeve anëtare të BE-së duhet të vazhdojnë të mbështesin vendimet që kanë marrë,” tha Borrell, duke shtuar se sanksionet duhet “të vazhdojnë të ushtrojnë presion mbi ekonominë e Rusisë, duke e ditur se nuk ka zgjidhje magjike”.

“Ne duhet ta bëjmë këtë, ashtu si duhet ta mbështesim Ukrainën ushtarakisht”, tha ai. “Fatmirësisht nuk na bombarduan, nuk u detyruam të largohemi nga shtëpitë tona. Por pasojat e kësaj lufte po i vuan e gjithë bota”, nënvizoi ai. /tesheshi.com/