Në hijen e luftës në Ukrainë, fitoreve të egra zgjedhore të miqve të Putinit – Orban dhe Vuçiç – dhe një sërë shqetësimesh ekonomike, historia e pandemisë SARS-CoV-2 ka rënë në plan të dytë, por në Kinë ajo është rikthyer, si një dramë e re, jo për numrin e infektimeve dhe vdekjeve, i cili është i vogël në krahasim me popullsinë kineze, por për shkak të politikës epidemiologjike drakoniane kineze.
Financial Times shkruan mbi atë strategji anti-COVID, e quajtur “Zero dinamike”, e cila ndan prindërit nga fëmijët për shkak të infeksionit dhe i lë banorët e qyteteve të mëdha pa mjekim.
Pas Pekinit, pjesë të Shangait përgjatë lumit Hunagpu fillimisht u vunë nën regjimin e dy bllokimeve katër-ditore, por përhapja e shpejtë e variantit Omicron provokoi autoritetet kineze të shtrijnë kufizimet në të gjithë zonën e Pudong-ut, e cila përfshin selinë financiare të qytetit. Qasja epidemiologjike e pakompromis ose brutale kineze, mund të hasej në postimet në rrjetet sociale në të cilat banorët bënin thirrje për ndihmë, por që u fshinë nga censuruesit kinezë gjatë fundjavës.
Aktualisht, numri i rasteve e kalon atë në Hong Kong, ku vdekshmëria më e lartë në botë është shënuar në muajin mars.
Në rrjetet sociale kineze, qytetarët njoftuan se ka mungesë produktesh në dyqanet ushqimore, ndërsa disa kanë paralajmëruar se nuk mund të blejnë ilaçet e nevojshme për terapitë e rregullta. Disa nga këto ishin thirrje të dëshpëruara për ndihmë nga njerëz të varur nga terapitë mjekësore.
Në ndërtesat ku u konstatua infeksioni, njerëzit e Shangait u burgosën për dy javë, pavarësisht nëse ishin pozitivë apo jo, dhe autoritetet organizuan shpërndarjen e ushqimit për të mbijetuar.
Apelet e prindërve të fëmijëve të privuar nga COVID për testim negativ janë regjistruar edhe në rrjetet sociale. Në rast se prindërit janë pozitivë dhe fëmijët negativë, edhe ata ndahen, me ç’rast prindërit vijnë në vende të veçanta ndërsa fëmijët qëndrojnë në shtëpi, vetëm. Zyrtarët vendas pohojnë se kujdestarët e përkohshëm sigurohen për fëmijët e mbetur vetëm sepse prindërit e tyre janë vendosur në qendra karantine.
BE-ja u ka bërë thirrje autoriteteve kineze të ndalojnë ndarjen e prindërve nga fëmijët dhe të ofrojnë kujdesin e duhur për ata që janë në rrezik të një lloj ndërhyrjeje mjekësore për shkak të masave epidemiologjike.
Masat epidemiologjike kryhen në vija politike, ndaj nganjëherë rekomandimet profesionale shpërfillen dhe bëhet izolimi dhe shtrimi i veçantë i pacientëve asimptomatikë, gjë që bllokon sistemin spitalor, ashtu si në Hong Kong.
Zëvendëskryeministri kinez Sun Chunlan pranoi se strategjia zero-COVID për metropolin 25 milionësh është një sfidë e madhe, por këmbënguli që Shangai të ndjekë një politikë të rreptë epidemiologjike dhe të zgjerojë hapësirën e tij të izolimit. /tesheshi.com/
