Stuart Peach për situatën në Bosnje, aty nga ku përçohet ankth
Edhe pse situata në Bosnje është shqetësuese, ajo është një çështje politike, jo një krizë sigurie, tha dërguari britanik në Ballkanin Perëndimor Stuart Peach, duke shtuar se lufta e Rusisë në Ukrainë është një “sfidë” që nuk duhet të përhapet në Ballkan.
“Situata në Bosnje është shqetësuese. Sigurisht, është një situatë politike, një çështje politike, jo një krizë sigurie. Ne duhet të punojmë së bashku për të parandaluar që kjo të ndodhë,” tha Peach.
Një ish-komandant i lartë i Forcave Ajrore Britanike dhe ish-kryetar i Komitetit Ushtarak të NATO-s, Peach u emërua i dërguari britanik në Ballkanin Perëndimor në dhjetor 2021.
Ai dënoi “luftën e paligjshme të Rusisë kundër Ukrainës”: “Ne të gjithë i shohim qartë pasojat tragjike për popullin ukrainas dhe ne duhet t’i mbështesim ata në çdo mënyrë të mundshme”.
Pushtimi rus i vendit fqinj ka hyrë në javën e katërt, më shumë se tre milionë njerëz janë larguar, Rusia është gjithnjë e më e izoluar për shkak të sanksioneve perëndimore dhe nuk ka rezultate nga bisedimet e paqes deri më tani.
“Është një situatë vërtet tragjike. Dhe lufta në kontinentin tonë është një sfidë për të gjithë ne. Dhe ne duhet të jemi të gatshëm të punojmë së bashku për t’u siguruar që lufta të mos përhapet dhe në Ballkanin Perëndimor. Unë jam të punojmë me miqtë tanë në rajon që kjo të mos ndodhë”, thekson Peach.
Sa i përket Serbisë se në cilin drejtim të shkojë, më afër Perëndimit apo Rusisë, i dërguari britanik thotë se ai është në Beograd “për të zgjedhur një pozicion”. “Sepse ne mendojmë se kjo u jep njerëzve në rajon shpresën më të mire, për një të ardhme më të mirë, pa luftë dhe për t’u anëtarësuar në BE”.
Aleatët evropianë pajtohen, por jo Rusia, se vendimi u takon vendeve që duan të anëtarësohen në NATO. Edhe para fillimit të pushtimit, ajo kërkoi një garanci që Ukraina nuk do të bëhej anëtare e NATO-s. /tesheshi.com/
