Ç’pritet të jetë Katari për SHBA

Presidenti Biden tha se Kongresi ishte informuar për statusin e Katarit si një “aleat i rëndësishëm jo-NATO” gjatë një takimi me Emirin e Katarit, Sheikh Tamim bin Hamad al-Thani në Shtëpinë e Bardhë.

Duke kujtuar se partneriteti midis Katarit dhe Shteteve të Bashkuara ka zgjatur për 50 vjet, Katari ka siguruar një shtëpi për dhjetëra mijëra afganë dhe ka një rol të rëndësishëm për të luajtur në zgjidhjen e çështjes palestineze.

Më herët, Biden njoftoi para gazetarëve disa tema që do të diskutonte me Al-Thanin, duke përfshirë sigurinë e Gjirit dhe Lindjes së Mesme, stabilitetin e burimeve globale të energjisë, Afganistanin dhe shumë të tjera.

Ai shtoi se ata e mirëpresin marrëveshjen prej 20 miliardë dollarësh midis Qatar Airways dhe prodhuesit të avionëve të Boeing, duke shtuar se ishte një nga marrëveshjet më të mëdha të Boeing.

18 aleatët e SHBA

“Katari është një mik i mirë dhe një partner i besueshëm. Unë po informoj Kongresin për planin për të përcaktuar Katarin si një aleat të rëndësishëm jo-NATO. Është një tregues se sa e rëndësishme është marrëdhënia jonë dhe është koha për ta bërë këtë”.

Shtetet e Bashkuara deri më tani kanë 18 vende që i konsiderojnë aleatë të rëndësishëm jashtë NATO-s.

Sipas një ligji të vitit 1987, presidenti i atëhershëm amerikan Ronald Reagan përfshiu në këtë kategori Australinë, Egjiptin, Izraelin, Japoninë dhe Korenë e Jugut.

Kur bëhet fjalë për vendet e Gjirit, ish-Presidenti George W. Bush vendosi Bahreinin dhe Kuvajtin në këtë kategori. /tesheshi.com/