Rabini izraelit Israel Elbom u ndodh në Turqi, më saktë në Stamboll gjatë reshjeve të dendura të borës këtë javë, por u ndihmua nga xhandarmëria lokale, pas së cilës ai gjeti strehim në një nga xhamitë e qytetit gjigand turk.
Rabini Elbom mbërriti në Stamboll për të punuar si kontrollues për certifikimin e ushqimit kosher, i cili konsiderohet certifikim hallall nga hebrenjtë. Kosher do të thotë ushqim i përshtatshëm për konsum njerëzor në përputhje me ligjin hebre. Ushqimi kosher duhet të jetë i certifikuar, pra duhet të ketë certifikatë.
Pasi kreu detyrën e tij, Elbom u drejtua për në aeroport, por mbeti i “mbërthyer” në rrugë për shkak të reshjeve të mëdha të borës.
Atij iu desh të priste në automjet për 15 deri në 2 orë pas mesnate, dhe më pas me ndihmën e xhandarmërisë u dërgua në një stacion policie aty pranë, pas së cilës u vendos në një xhami afër aeroportit të Stambollit për të pritur që të kthehej moti i përshtatshëm për fluturim drejt Izraelit.
Aty, ai ndau me besimtarët përvojën e faljes së namazit të sabahut, duke e thënë këtë dhe në mediat izraelite.
Pasi moti u përmirësua dhe rrugët në Stamboll u hapën, Elbom u vendos në një hotel dhe shpejt u kthye me aeroplan në Izrael.
Në një intervistë për AA, rabini 62-vjeçar izraelit tha se ka vizituar shumë qytete turke për shkak të punës së tij, duke shtuar se ndihet gjithmonë mirë dhe rehat gjatë udhëtimit për në Turqi.
“Kam udhëtuar për vite në shumë qytete si Ankara, Izmir dhe Adana. Ndihem rehat sa herë që udhëtoj në këtë vend. Takoj njerëz shumë të sjellshëm që ju përshëndesin me buzëqeshje. Punoj si konsulente për certifikimin e ushqimit kosher, ndaj vij këtu shpesh,” tha Elbom. /tesheshi.com/
