CAIR zbulon mbështetjet financiare të fondeve të shquara amerikane për aktivitetet islamofobike

Bëhet e ditur se mes viteve 2017-2019, grupeve islamofobike në Shtetet e Bashkuara të Amerikës (SHBA) u janë dhënë rreth 106 milionë dollarë.

Në raportin “Islamofobia në rrjedhën kryesore” të publikuar nga Këshilli për Marrëdhëniet Amerikano-Islamike (CAIR), është përpiluar ndihma financiare për grupet antimyslimane në vend.

“Nga 50 bamirësitë dhe fondacionet më të mëdha islamofobike të shqyrtuara, 35 transferuan 105 milionë e 865 mijë e 763 dollarë për 26 grupe antimyslimane mes viteve 2017-2019”, thuhet në raport.

Huzaifa Shahbaz, Koordinatore Kombëtare e Studimit dhe Mbrojtjes Ligjore e Këshillit për Marrëdhëniet Amerikano-Islamike, tha se raporti vë në pah se nuk është sekret se rrjeti i islamofobisë që përhap dezinformata rreth myslimanëve dhe Islamit në Shtetet e Bashkuara është i financuar mirë dhe funksionon në mënyrë aktive.

Në mesin e donatorëve përfshihen emra të mëdhenj si “Fidelity” dhe “Schwab”, si dhe fondet bamirëse të bazuara në besim si “Fondi i Komunitetit Hebre” dhe “Fondacioni Kombëtar i Ndihmës së Krishterë”.

Gjithashtu u shpërndanë informacione mbi fondacionet private familjare si “Adelson Family Foundation”, i cili kontribuon me miliona dollarë për të mbështetur aktivitetet antimyslimane.

Grupet e urrejtjes antimyslimane të përfshira në raport janë Qendra Amerikane për Ligjin dhe Drejtësinë (ACLJ), Instituti Gatestone, Qendra për Politikat e Sigurisë, Forumi i Lindjes së Mesme, Instituti i Kërkimeve të Medias në Lindjen e Mesme, Qendra e Lirisë David Horowitz, Projekti Clarion dhe Projekti i Studimit të Terrorizmit.

Raporti vuri në dukje se në 2019-2020, Këshilli për Marrëdhëniet Amerikano-Islamike mori më shumë se 6.000 ankesa islamofobike në të gjithë vendin, duke detajuar ngacmimin e studentëve myslimanë në shkolla, rreth 40 retorikë islamofobike të spikatura në politikën amerikane dhe sulme në rreth 16 xhami në të gjithë vendin.