Apple mund të ketë lënë të ulet numrin e përdoruesve të Mac-ut gjatë betejës ligjore me Epic.
Craig Federighi, zv.presidenti i Apple i inxhinierisë së softuerit, deklaroi se baza aktive e përdoruesve të Mac-ut është vetëm një e dhjeta e madhësisë së bazës instaluese të iOS. Për krahasim, kur Apple nisi shërbimin e transmetimit Apple TV + video në fund të vitit 2019, Oprah Winfrey zbuloi se iOS ishte instaluar në një miliard pajisje, megjithëse personaliteti i famshëm i televizionit nuk dha më asnjë specifikë tjetër nëse kjo shifër përfshinte edhe përdoruesit e iPad-it apo jo.
Sidoqoftë, nëse do të marrim në konsideratë shifrën e thënë nga Winfrey, atëherë duhet të jenë afërsisht 100 milionë përdorues aktivë të Mac. Në tremujorin të parë të vitit 2021, tregu i përgjithshëm i PC, i cili përfshin desktop dhe laptopë, u rrit 55.2% nga viti në vit, sipas të dhënave të IDC. Apple ka shitur rreth 5,572,700 njësi gjatë këtij tremujorit. Vlerësimet e IDC-së e vendosën Apple në një normë rritjeje prej 111.5% për të njëjtin tremujor, nga viti në vit.
Nxitja e rritjes së fortë të Apple nuk përfshin versionin e ridizenjuar të iMac-ut, shitjet e të cilit kanë filluar vetëm kohët e fundit. Rritja e Apple mes një tregu të kufizuar nga mungesat e gjysmëpërçuesve gjatë pandemisë globale të koronavirusit është e jashtëzakonshme. Dhe duke qenë se Apple nuk është shkëputur plotësisht nga Intel, ne presim që kompania të ketë kërkesa në rritje edhe për versionin e ri të Mac-ut.
Apple gjithashtu thuhet se do të ridizenjojë versionet e ardhshme të laptopëve të saj MacBook Air dhe MacBook Pro, dhe versionin Mac Pro me një procesor edhe më të fortë të serisë M. Në Konferencën Mbarëbotërore të Zhvilluesve të Apple, që do të mbahet mujin tjetër, informacionet në lidhje me Mac dhe produktet e tjera të Apple do të jenë më të shumta. / Digital Trends
