Akademikë dhe studiues italianë të historisë bashkëkohore të Lindjes së Mesme i dërguan një letër redaksisë së televizionit italian RAI ku i kërkohej një mbulim më i mirë dhe i ndershëm i konfliktit të ditëve të fundit në territoret palestineze dhe Izrael.
Në këtë letër zyrtare kanë aderuar rreth 30 akademikë. Ideja lindi si shqetësim i tyre ndaj vështirësisë së përçimit të kompleksistetit të ngjarjeve nga ana e këtij shërbimi publik informativ.
Ndonëse janë të vetëdijshëm për sfidat me të cilat gazetaria përballet, ata e konsiderojnë tejet të rëndësishme evitimin e të trajtuarit të ngjarjeve si thjeshtë nje përplasje mes të mirëve ndaj të këqinjve.
Letër drejtuar televizionit italian RAI News
E nderuar redaksi,
Jemi studiues dhe akademikë të historise bashkëkohore të Lindjes se Mesme dhe si të tillë përballemi cdo ditë me vështirësinë e analizimit dhe përshkrimit të konflikteve në zhvillim e sipër, të këndvështrimeve të ndryshme, fërkimeve dhe armiqësive të palëve të përfshira.
Përballemi cdo ditë me vështirësinë e të shpjeguarit të këtyre aspekteve me një gjuhë të kuptueshme dhe të ndershme. Mbi të gjitha, përpiqemi të analizojmë të tashmen nën dritën e ngjarjeve të shkuara, të atyre dinamikave, të ndërlikuara dhe të kokëlavitura, të cilat u japing formë ngjarjeve që ndodhin në të tashmen që po jetojmë. Raportimi i lajmeve i kryer nga ana juaj këto ditët e fundit nuk është në lartësinë e duhur për t’u quajtur i kompletuar, gjë qe duhej të karakterizonte një shërbim publik informues.
Evolimi i shpejtë i ngjarjeve të fundit, vecanërisht në rripin e Gazës, sjell përqëndirmin e vëmendjes tek luftimet dhe përleshjet. Rezulton të flitet vetëm për raketat e lëshuara nga Hamasi, sikur këto të fundit të ishin aspekti i vetem i gjithë çështjes. Nuk është kështu, siç e shpjegojnë edhe shumë burime palestineze dhe izraeliane. Shumëfishohen dëshmitë e përleshjeve të dhunshme në Lord, Nazaret, Xhaffa, Haifa dhe Acri.
Konsiderojmë thelbësore të shpjeguarit ne formë të kompletuar dhe korrekte të asaj që po ndodh, duke i dhënë rëndësinë e duhur pluralizmit të këndvështimeve, si ndaj njërës pale ashtu dhe palës tjetër, duke kuptuar kështu se si kemi mbërritur deri në këtë pike ku gjendemi sot.
Eshtë e nevojshme të shpjegohet procesi i përshkallëzimit të dhunës dhe provokimeve të javëve të fundit duke nisur nga ngjarjet e ndodhura në lagjen Sheikh Jarrah ne Jerusalemin Lindor (i cili sipas të drejtave ndërkombëtare është pjesë e territoreve të pushtuara nga Izraeli ne luften e vitit 1967). Përpjekja për të përzënë me forcë banorët prej shtëpive të tyre është vetëm episodi i fundit i një zinxhiri ngjarjesh të cilat, duke nisur nga viti 1948, kanë detyruar shpërnguljen e qindra mijëra palestinezëve.
Çështja e Sheikh Jarrah, që ka shkaktuar valën e dhunës së orëve të fundit duhet të shpjegohet nën prizmin e shtimit të prezencës së kolonëve izraelianë jo legal në zonën lindore të Jeruzalemit dhe në territoret e pushtuara të bregut perëndimor. Këta kolonë, që janë frut i një strategjie të shpjeguar mjaft mirë nga studiues si Eyal Ëeizman, kanë përbërë një ndër pengesat më të mëdha ndaj çdo lloj përpjekjeje për negocim. Duhet bërë e qartë instrumentalizimi flagrant i justifikimeve të përdorura nga grupet e lidhura me të djathtën ekstreme të partisë Otzma Yehudit dhe të deputetit Bezalel Smotrich.
Retorika e përdorur nga ky grup dhe veprimet e tij kanë marrë një mbështetje të pazakontë politike në zgjedhjet e fundit për rinovimin e e Knesset nga ana e e kryeministrit ne ikje, aktualisht nën hetim por akoma në detyre. Do të ishte e rëndësishme të shpjegohej se si nxitja e dhunës së këtyre ditëve ka marrë shkas në një kontekst të përbërë nga tentativa për të ndërtuar një maxhorancë alternative në brendësi të panoramës politike izraeliane, zgjedhja e presidentit të ri të vendit si dhe zgjedhjet e ardhshme palestineze.
Do të ishte mjaft e rëndësishme ti jepej rëndësi dhe hapësirë zërave kundër që ekzistojnë në palën izraeliane dhe atë palestineze. Të kufizuarit e raportimeve në lidhje me ngjarjet vetëm rreth raketave të lëshuara nga Hamas, sic është bërë në këto ditë, nënkupton të heshten dhe lihen në errësirë pluraliteti i zërave dhe thirrjeve palestineze që kërkojnë drejtësi dhe dinjitet.
Këto janë të gjitha cështje që mund të shpjegohen qartë edhe thjeshtë vetëm me disa fraza. Interpretimet e njëanshme dhe të zhveshura nga faktet, si për shembull rasti që e zvogëlon konfliktin e vitit 1948 në një “agresion jordanez ndaj shtetit izraelit”, nuk përbëjnë një shërbim të dobishëm ndaj publikut të gjerë i cili ka nevojë dhe meriton informim të kompletuar dhe korrekt.
Francesco Mazzucotelli, Università di Pavia
Lucia Sorbera, University of Sydney
Rosita Di Peri, Università di Torino
Sesamo – Società per gli Studi sul Medio Oriente
Monica Ruoço, Università di Napoli “L’Orientale”
Francesca Biancani, Università di Bologna
Samuela Pagani, Università del Salento
Daniela Pioppi, Università di Napoli “L’Orientale”
Paola Rivetti, Dublin City University
Arturo Marzano, Università di Pisa
Rossana Tufaro, Università La Sapienza, Roma
Chiara Maritato, Università di Torino
Maria Elena Paniconi, Università di Macerata
Leila El Houssi, Università La Sapienza, Roma
Nicola Perugini, University of Edinburgh
Ruba Salih, SOAS University of London
Estella Carpi, University College London
Simona Taliani, Università di Torino
Gennaro Gervasio, Università Roma Tre
Roberto Beneduce, Università di Torino
Anna Baldinetti, Università di Perugia
Paolo Branca, Università Cattolica, Milano
Lorenzo Casini, Università di Messina
Alberto Tonini, Università di Firenze
Patrizia Manduchi, Università di Cagliari
Elisa Giunchi, Università degli studi di Milano
Sara Borrillo, Università di Napoli “L’Orientale”
Maria Chiara Rioli, Università Ca’ Foscari, Venezia
Lea Nocera, Università di Napoli “L’Orientale”
Nicola Melis, Università di Cagliari
Ada Barbaro, Università La Sapienza, Roma. /tesheshi.com/
