Turqia eksportoi 65.620 tonë kajsi të thata, të prodhuara në provincën lindore Malatya, në 105 vende në tetë muajt e fundit, transmeton Anadolu Agency (AA).
Të ardhura prej 216 milionë dollarësh janë gjeneruar nga eksportet e kajsive të thata të cilat do të kontribuojnë në ekonominë e vendit dhe prodhuesit, tha Ramazan Özcan, kreu i Bursës së Mallrave të Malatya-s.
Edhe pse eksportet u ulën me 10.000 tonë, të ardhurat e gjeneruara u rritën me 20 milionë dollarë krahasuar me të njëjtën periudhë të sezonit të kaluar, tha Özcan.
SHBA-ja ishte importuesi kryesor i kajsive të thata turke me 9.200 tonë, ndjekur nga Gjermania dhe Franca me 5.200, përkatësisht 5.100 tonë.
Kajsitë e famshme të Malatya-s kanë fituar treguesin gjeografik të BE-së në korrik të vitit 2017. Provinca turke prodhon 85 për qind të kajsive të thata në botë.
